Concierto Especial Día de Asturias: "Cancios de chigre" (Llanes)

“Cancios de chigre”. Especial Día d’Asturies en Llanes

Viernes 5 de setiembre · 19:30h

Patiu de la Casa Municipal de Cultura de Llanes

Pa conmemorar el Día d’Asturies y celebrar el reconocimientu de la cultura sidrera como Patrimoniu Cultural Inmaterial de la Humanidá, presentamos el conciertu “Cancios de chigre” con Ún de Grao, acompañáu d’una degustación de sidra pa tolos asistentes.

Ún de Grao ye’l proyectu en solitariu de José Martínez (Grao, 1978), cantante y guitarrista que dende 2016 vien trabayando na renovación de la tradición musical asturiana y acercando la so visión de les nueses raíces al públicu. Tocó anantes en munchos grupos de folk asturianu con nomes del altor de Xuacu Amieva, Héctor Braga o la Orquesta Céltica Asturiana.

Al rodiu del espoxigar de la cultura sidrera, esti artista moscón inspiróse na cultura de chigre: la xuntanza, los culetes y la música compartida. Asina xurde esti espectáculu que busca la cercanía, la participación y la comunidá col públicu, creando un momentu únicu y prestosu.

 Entraes de baldre: https://casaculturallanes.eventbrite.com