Llanes
Ver fondo
Ver Web
https://www.facebook.com/casaculturallanes
Casa Municipal de Cultura de Llanes
19:00

Alcuentru con Javier Martínez Concheso (Llanes)

Premiu Florina Alías 2025 · L’home de choque
La Revolución d’Ochobre de 1934 vista por un escritor francés y recuperada agora n’asturianu.
Javier Martínez Concheso presenta la so traducción de L’homme de choc, de Joseph Peyré, publicada orixinalmente en Francia en 1936. La versión asturiana, L’home de choque, recibió’l Premiu Florina Alías 2025 a la meyor traducción al asturianu. El xuráu destacó la naturalidá, la fluidez y la riqueza llingüística del trabayu.
  • Sábadu 17 d’ochobre
  • 19:00 h
  • Casa Municipal de Cultura de Llanes (¡Cambiu de sede! La presentación va ser na Casa de Cultura, non na biblioteca).
Entrada gratuita. Reserva la to plaza en: https://casaculturallanes.eventbrite.com

La traducción de L’Homme de choc, publicada por Ediciones Trabe y traducida por Javier Martínez Concheso, recibió nel 2025 el Premiu Florina Alías a la meyor traducción al asturianu.

Javier Martínez Concheso (Sopelái, Llaviana, 1970) ye llicenciáu en Filoloxía Francesa pola Universidá d’Uviéu. Instaláu dende va años en Virazeil, ciudá de l’Aquitania francesa, ye caderalgu de Secundaria y da clases d’español y occitanu. Amás de participar en delles revistes lliteraries con traducciones d’autores franceses y occitanos, publicó llibros como Pequeña antoloxía de la poesía occitana (2010) o’l recién L’entierru en Sabres (traducción al asturianu del poema épicu de Bernat Manciet L’Enterrament a Sabres). Nel 2023 yá recibió esti mesmu premiu pola so traducción de Cándidu, o l’optimismu, de Voltaire, tamién publicáu pola editorial Trabe. 

 

 

 

 

es